दोस्ती
स्कुलमे अचानक भेट्ली किस्मतसे,
एकआपसमे बात कइली, हिम्मतसे ।
पहिलका दिन अजनबी रहली,
समय बितले गेलापर, दोस्त बन्ली ।।
संगे खेलली, संगे पढ़ली,
एक दोसरके हरदम मदत कइली ।
साथमे बिताएल दिन बडा अनमोल रहे,
काश ! उ दिन फेरसे लौटके आबे ।।
साथमे पढेके दिन छुट गेल,
दुरी भी बढ़ गेल, रास्ता भी बदल गेल ।
लेकिन दोस्तीके नाता कभी न टुटल,
मनमे पुरान यादसब सदाके लेल बसगेल ।।
सब अपन भविष्य बनाबेमे लागल हए,
सबके सफलताके कामना करइछी ।
आबेबाला दिनसब सुखी सम्पन्न रहे,
इहे बातके भगवानसे आस रखइछी ।।
जिन्दगी चाहे जहाँ लेजाए,
दोस्ती सब दिन अमर रहे ।
ई दोस्ती एतना मजबुत होजाए,
कि मृत्यु भी एकरा तोड़ न सके ।।
Poet Info:
Written By: Bibek Prasad Kushwaha
Written On: 2081-11-24
Language: Bajjika
Address: Malangwa-02, Sarlahi, Madhesh Province, Nepal
Contact: +977 9822779568 and +977 9768771655