Mai Babu Ke Yogdaan Aa Ladka Ke Safalta

BKTutorYT

माईबाबुके योगदान आ लड़काके सफलता

लड़काके जन्मसे माईबाबुके खुशी भेल मन,
हर कोनामे छागेल, उमंग आ आनन्दके तरंग ।
बचपनसे ही कन्धापर रखल गेल उम्मीदके बोझ,
“आबेवाला दिनमे लड़का पूरा करत” हए सबके सोंच ।।

माईबाबु अपन जरुरत नदेखके,
लड़काके जरुरत पहिले लागल देखे ।
ई सब बात लड़का जब समझगेल,
“पढेके परत, मेहनत करेके परत” सोंचके सुरु कएलक पढेके ।।

पढाई शुरु करते, लड़कासे आस बढगेल,
माईबाबुके सपनाके बिचमे, लड़काके सपना आगेल ।
एगोके मन सरकारी नौकरी, त दोसरके मन डाक्टर बनेके,
“अच्छा रस्ता चुनके” माईबाबुके सपना पूरा करेके ।।

समय अएलक एगो रस्तापर चलेके,
कोनो रस्तापर लड़का जाए, माईबाबुके साथ रहे मिलेके ।
अब कवनो हालमे पछाड़ी नहई देखेके,
सपना पुरा करके, कन्धापरसे उम्मीदके बोझ हई हटाबेके ।।

लड़काके सपना पूरा होलापर, माईबाबुके आँख भरगेल,
सङ्घर्षके दिन याद करके, खुशीके आँसु आगेल ।
माईबाबुके योगदानके सम्मान करके,
“अब हम कमाके देब” अहाँके अब सुखके जिन्दगी हई बिताबेके ।।

Poet Info:
Written By: Bibek Prasad Kushwaha
Written On: 2081-10-12
Language: Bajjika
Address: Malangwa-02, Sarlahi, Madhesh Province, Nepal
Contact: +977 9822779568 and +977 9768771655

Post a Comment